Brownout sa eleksiyon posible — Colmenares

NANGANGANIB na magkaroon ng brownout sa eleksiyon.

Inihayag ito ni Bayan Muna Rep. Neri Colmenares, base sa pahayag ng Meralco na ang walong power plants sa Luzon na may combined capacity na 4,547.8MW ay may scheduled shutdowns ngayong taon.

Bunsod nito, posibleng magkaroon ng manipis na supply ng enerhiya kaya nanganganib na magkaroon ng brownout sa nalalapit na eleksiyon.

“The Aquino administration should act on this now because this has become a perennial problem and may mean not just brown outs but power rate hikes as well. This should not happen because it is not the fault of consumers and the DoE should be put  to task,” pahayag ng Makabayan senatorial bet.

“Ito na naman ang taon-taong problema natin sa koryente. Ang sabi ng DoE noong budget hearing ay sapat daw ang koryente natin para sa 2016 tapos ngayon, ipit na naman ang suplay. Dapat maayos agad ito at hindi magresulta sa pagtaas ng singil sa koryente,” pagtatapos ni Colmenares.