929 final count sa firecrackers injuries

TALIWAS sa unang pagtaya ng Department of Health (DoH) na bumaba nang mahigit 50 porsyento ang bilang ng mga naputukan ngayong taon, mas malaki pa ang lumabas sa final tally kahapon.

Ito ang final report ng kagawaran para sa firecracker at stray bullet cases, kasabay ng pagsalubong sa Bagong Taon.

Nagsimula ang pagbibilang noong Disyembre 21, 2015.

Sa record ng DoH, nakapagtala sila ng 929 firecracker related injuries na mas mataas nang walong porsiyento kompara sa mahigit 800 lamang na biktima noong nakaraang taon.

Marami pa rin sa mga naputukan ay mga bata at malaking porsiyento ay pawang kalalakihan.

Ang ipinagbabawal na Piccolo pa rin ang itinuturing na pangunahing sanhi ng firecracker injuries.