Friday , August 12 2022

Retiradong sundalo, pulis isama sa SSL4 (Apela ni Trillanes kay PNoy)

010516 FRONTUMAPELA kahapon si Senador Antonio “Sonny” F. Trillanes IV  kay Pangulong Benigno S. Aquino III na isama ang mga retiradong miyembro ng Armed Forces of the Philippines, Philippine National Police at iba pang uniformed services sa panukalang Salary Standardization Law 4.

Ayon kay Trillanes, pangunahing may-akda at isponsor ng Senate Bill No. 2671 o ang panukalang SSL4, sa ilalim ng kanyang orihinal na panukala sa Senado, ang pensiyon ng mga retiradong miyembro ng mga nasabing organisasyon ay tataas rin kasabay ng pagtaas ng sahod ng mga kawani ng gobyerno, alinsunod sa Presidential Decree 1638 at Republic Act No. 8551.

Ngunit sa bersiyon na itinutulak ng Malacañang, ang probisyong ito o tinatawag na indexation ng military pension, ay tinanggal dahil sa sinasabing matinding kakapusan sa budget ayon sa Department of Budget and Management.

Ang nasabing panukala ay hindi naaprubahan ng Kongreso bago magsara ang sesyon noong Disyembre dahil sa magkaibang bersiyon na itinutulak ng bawat Kapulungan. Kasama ang pagtaas ng pensiyon ng mga retiradong miyembro sa bersiyon ng Senado, samantala ang bersiyon ng Malacañang naman ang itinutulak ng Mababang Kapulungan. 

Inaasahan ni Trillanes na tututulan ng Malacañang na isama ang indexation provision sa SSL4, na maaaring mag-aantala sa agarang pagpapatupad ng panukala at makaaapekto sa mga kawani ng gobyerno, kung kaya’t umaapela si Trillanes sa Pangulo. 

“Naniniwala tayo na karapat-dapat lamang na isama ang mga retiradong miyembro ang AFP, PNP at ibang uniformed services sa batas na ito. Ibinuwis nila ang kanilang buhay para lamang maging ligtas ang ating bansa at matamasa natin ang demokrasya na nararanasan natin ngayon,” ani Trillanes. 

Sa P3.002 trilyon national budget para sa 2016, P57.9 billion ay nakalaan para sa pagpapatupad ng unang bahagi ng SSL4. Karagdagang P9 bilyon ay kakailanganin para sa indexation ng mga retiradong sundalo at pulis sa unang taon ng pagpapatupad ng batas. 

Dagdag ni Trillanes, “Ang ating gobyerno ay marapat lamang na magpakita ng malasakit, kundi man pasasalamat sa mga sakripisyong inialay ng mga retiradong sundalo at pulis, at ng kanilang mga pamilya sa loob ng mahabang panahon, lalo na’t sila ay nasa maselang bahagi na ng kanilang mga buhay. Sana ay makita ito ng Presidente sa aspetong ito dahil ang buhay at kapakanan ng mga retirado ay higit pa sa ano mang sinasabing dahilan ng kakulangan sa budget.”

About Hataw News Team

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply