3 justices nagbitiw sa kaso ni Poe

NAGBITIW na ang tatlong justices ng Supreme Court (SC) na bumoto pabor sa pagdedeklarang hindi ‘iligible’ si Sen. Grace Poe sa 2013 senatorial election.

Sa isang pahinang resolusyon ng high tribunal, nakasaad na nag-inhibit na sina Senior Associate Justice Antonio Carpio, Associate Justices Teresita Leonardo-De Castro at Arturo Brion na kapwa mga miyembro ng Senate Electoral Tribunal, mula sa kasong isinampa ng natalong senatorial candidate na si Rizalito David.

Ayon sa high tribunal court, wala nang magiging partisipasyon ang tatlong mga mahistrado makaraang maging bahagi na sila ng SET.

Una rito, nagpasa ng petisyon si David sa SC noong Disyembre 8 para bawiin ang November 17 SET decision na nagde-deklarang natural-born citizen si Poe ngunit pinagtibay pa rin ito ng SET noong Disyembre 3.