HATAW! D'yaryo ng Bayan hatawtabloid.com
TUGUEGARAO CITY- Nagbigti ang isang 17-anyos dalagita sa bayan ng Baggao, Cagayan kamakalawa.
Kinilala ang biktimang si Alona Alonzo,17-anyos.
Batay sa salaysay ng ina ng biktima na si Ginang Leonor, sa PNP Baggao, nagpaalam ang kanyang anak na pupunta sa bahay ng kanyang kasintahan na si Jess Taberdo.
Ngunit pagbalik ng tanghali ay sinabihan siya na huwag siyang distorbohin sa kanyang pagtulog sa kanyang silid.
Pagkalipas ng ilang oras, kinatok niya ang silid ng kanyang anak para kumuha ng hanger ngunit hindi tumutugon ang biktima.
Dahil dito, tumawag siya ng kapitbahay para tulungan siya na mabuksan ang pintuan ng silid ng kanyang anak.
Laking gulat ng ginang nang makitang nakabitin na sa kisame ang kanyang anak at wala nang buhay.
Ayon sa PNP Baggao, kakausapin pa nila ang kasintahan ng dalagita upang malaman kung ano ang motibo sa pagpapakamatay ng biktima.
