Black Nazarene feast pinaghahandaan ng MPD

NAGHAHANDA na ang mga miyembro ng pulisya sa ipatutupad na seguridad para sa libo-libong deboto na daragsa sa Quiapo, Maynila sa paggunita sa pista ng Itim na Nazareno sa Sabado.

Sinabi ni Manila Police District (MPD) Operations and Plans Division chief Lucile Faycho, binuo ng National Capital Region Police Office (NCRPO) ang Task Force Nazareno para sa nasabing okasyon.

Habang tutulong ang Army, Department of Health (DoH), Philippine Red Cross (PRC), at Bureau of Fire Protection (BFP) sa pagpapanatili ng kaayusan sa paligid ng Basilica Minore para sa gaganaping Traslacion.

Sinabi ni Faycho, ilang kalsada ang isasara para sa pista ng Nazareno, kabilang ang dalawang lane sa Roxas at Quezon boulevards, Palanca at Dasmariñas streets, at Quezon, McArthur at Jones bridges.

Payo ng pulisya, makabubuting huwag nang dumalo ang mga maysakit at matatanda sa prusisyon.