HATAW! D'yaryo ng Bayan hatawtabloid.com
IBINABA na ng Quezon City Regional Trial Court nitong Huwebes ang hatol sa suspek sa pagpatay kay Zenaida Sison, ina ng aktres na si Cherry Pie Picache.
Pinatawan ni Judge Alfonso Ruiz ng reclusion perpetua ang suspek na si Michael Flores.
Pinagbabayad din siya ng P1,245,000 danyos bukod pa sa P50,000 bayad para sa moral damages at P50,000 para sa civil indemnity.
Ikinatuwa ng pamilya ng aktres ang naging hatol ng hukuman at sinabing agad nilang bibisitahin ang puntod ni Sison.
Nasa kamay na ng Bureau of Jail Management and Penology si Flores.
Nauna rito, inamin ni Flores ang pagpatay sa biktima.
Sa kanyang sinumpaang salaysay, inilahad niya ang panloloob sa bahay ng biktima.
Nanlaban aniya ang biktima na nagtulak sa kanyang patayin ang ginang gamit ang isang kahoy mula sa sirang pinto at kutsilyo mula sa kusina ng biktima.
