Solons ‘inimbita’ ni PNoy sa Palasyo

NAGPATAWAG ng luncheon meeting si Pangulong Benigno “Noynoy” Aquino III sa mga kongresista sa Malacañang.

Maging ang mga nasa oposisyon ay kasama sa inimbitahan ni Pangulong Aquino sa pananghalian.

Walang inilabas ang Malacañang kung ano ang agenda ng pakikipagpulong ni Pangulong Aquino sa mga mambabatas ng mababang kapulungan ng Kongreso.

Mayroong pending bills ang Malacañang na kailangang maipasa kabilang dito ang national budget na nakabinbin sa bicameral conference committee, Bangsamoro Basic Law (BBL) at Salary Standardization Law IV (SSL4).

Naantala ang nasabing priority bills ng Malacañang dahil sa kawalan ng quorum sa Kamara kasunod nang hindi pagdalo sa sesyon ng maraming kongresista.