Pangunguna ni Duterte sa SWS Survey wa epek sa palasyo

WA epek sa Palasyo ang pamamayagpag ni Davao City Mayor at PDP-Laban standard bearer Rodrigo Duterte sa resulta ng presidential survey na inilabas ng Social Weather Station (SWS).

Sinabi kahapon ni Presidential Spokesman Edwin Lacierda, walang bigat sa Palasyo ang sunod-sunod na surveys kahit manguna pa ang mga kalaban ng administrasyon dahil may anim na buwan pa ang mga kandidato para ipakita sa publiko ang kanilang plataporma.

“The candidates will have 6 months to present their platform to the people. In the meantime, survey numbers will go up or down but the only survey that mat–ters is the one in May,” aniya.

Ang totoong survey aniya na kanilang babanta-yan ay sa mismong araw ng halalan sa May 2016 na aktuwal na pipili ang mga botante ng kanilang ihahalal na susunod na maging lider.

“I will not be surprised if Duterte camp would hype the numbers but again, this is a marathon, this is not a sprint. So, we will wait for the survey in May or the elections in May to happen,” dagdag ni Lacierda.