CDO no. 2 sa HIV-AIDS cases sa PH

CAGAYAN DE ORO CITY – Tumaas pa ang bilang ng mga dinapuan ng Human immunodeficiency virus (HIV) sa lungsod ng Cagayan de Oro.

Ayon kay Fritzie Estoque, chairperson ng Misamis Oriental-Cagayan de Oro AIDS Network (MOCAN), nananatiling numero uno ang katergoryang “men having sex with men” sa bilang ng mga tinamaan ng impeksiyon.

Nangamba si Estoque dahil ayon sa kanilang pinakahuling data, sa loob ng isang linggo, aabot sa ‘7 out of 10’ hinihinalang may HIV, at isa hanggang tatlo ang posibleng magpositibo.

Dahil dito, inabisohan ng MOCAN ang publiko sa paggamit ng condoms o safer sex upang makaiwas sa pagkakahawa sa nakamamatay na sakit.

Inihayag rin niya na may libreng antiretroviral vaccine ang City Health Office para ibigay sa mga nagpositibo.

Una rito, mula ika-anim, nasa top 2 na ang Cagayan de Oro sa dami ng HIV positive.