TRO sa UBER at sa GRABCAR ng QC court makatulong kaya?

NAGTAGUMPAY ang Angat Tsuper Samahan ng mga Tsuper at Operator ng Pilipinas Genuine Organization (STOP and GO) Transport Coalition na makakuha ng temporary restraining order (TRO) sa Quezon City Regional Trial Court Branch laban sa Transportation Network Vehicle Service (TNVS) Uber at GrabCar.

Ang naghain ng petisyon ay si Pascual “Jun” Magno, presidente ng Angat Tsuper Samahan ng mga Tsuper at Operator ng Pilipinas Genuine Organization (STOP and GO) Transport Coalition.

Anila, bakit pinapayagan na mag-operate ang Uber at GrabCar gayong wala naman silang prangkisa.

Apektado na rin umano ang kanilang “vested interest” dahil sa issuance ng provisional interest sa TNVS vehicles.                

Ang UBER at ang GrabCar ay labis umanong nakaaapekto sa kanilang kita sa araw-araw. Dati nang nabawasan ang kanilang kita pero lalo bang lumiit nang lumabas ang Uber at GrabCar.

Tiyak na magkakahirapan sa sasakyan lalo na ngayong Christmas season dahil marami na rin ang nasanay at mas tiwala sa Uber at GrabCar.

Alam n’yo naman tuwing ganitong panahon, may mga salbaheng taxi driver na sinasamantala ang pangangailangan sa sasakyan ng mga pasahero lalo na ‘yung mga namimili na maraming bitbit pag-uwi.

Mga nangongontrata, may nag-iinarte na namimili kung saan maghahatid  at mayroon talagang tinatangay pa ‘yung pinamili ng pasahero.

At kung mamalasin ka ay maho-holdap ka pa!

Kaya nga, marami ang nagtiwala sa Uber at sa GrabCar kasi alam nilang malayong gumawa ng kalokohan ‘yung mga driver/operator.

Malinis at mabango pa ang kanilang mga sasakyan.

Isa lang ang solusyon diyan, kung ayaw ng mga taxi na magkaroon ng kakompetensiya, ayusin nila ang serbisyo sa mga pasahero!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com