20-day TRO vs Uber, Grabcar

NAGPALABAS ng temporary restraining order (TRO) ang Quezon City Regional Trial Court laban sa operasyon ng Uber at Grab Car na pawang online based transport service.

Base sa inilabas na kautusan ng QCRTC Branch 217, pagbabawalan munang mag-operate ang Uber at Grab Car sa loob ng 20 araw.

Ang TRO ay bilang tugon sa petisyon ng grupong Stop and Go Coalition.

Sinabi nila sa kanilang argumento na apektado ang kinikita ng transport utilities na mayroong prangkisa dahil sa naglitawang online based transport service na wala namang mga prangkisa.

Iginiit nila na labag sa batas ang transportation network vehicle service, ngunit nakakuha pa rin ng basbas ng DoTC.

Hinala tuloy ng ilan, may papel sa permit ng DoTC ang ilang maimpluwensyang Uber operator tulad ni Kris Aquino, bagay na itinatanggi ng TV host/actress.