MTPB volunteer todas sa tren

PATAY ang isang 40-anyos volunteer member ng Manila Traffic Parking Bureau (MTBP) makaraang masagasaan ng rumaragasang tren habang umiihi sa gilid ng riles sakop ng Tondo, Maynila kamakalawa.

Hindi na umabot nang buhay sa Ospital ng Tondo ang biktimang si Francisco Garcia ng nasabing lugar.

Ayon kay Supt. Alex Danile, station commander ng Manila Police District (MPD)-Station 7, dakong 8:05 p.m. nang naganap ng insidente sa Jose Abad Santos Ave., kanto ng Antipolo St., Tondo.

Pahayag ng mga kasamang sina Catalla Jay Braceros, 39, at Richard Ramos, 29, kasalukuyang silang nagmamando ng trapiko sa nasabing lugar habang parating ang tren nang magpaalam ang biktima na iihi.  

Pagkaraan ay nakarinig na lamang sila ng sigaw ng mga pasahero ng tren at nakitang duguang nakabulagta na ang biktima.