Adik wanted sa pagpatay sa ina at lola

CAUAYAN CITY, Isabela – Sasampahan ng kasong two counts ng parricide ang isang lalaking dumaranas ng mental illness makaraang patayin ang kanyang ina at lola.

Ito’y sa pamamagitan ng pagtaga sa iba’t ibang bahagi ng kanilang katawan gamit ang panggapas ng palay.

Kinilala ang suspek na si Seiitchi Sankoite, 20, residente ng Brgy. Cebu, San Isidro, Isabela.

Habang ang mga biktima ay si Betty Tobias, 47, kanyang ina at lola niyang si Maxima Tobias, 77-anyos.

Dakong 4 a.m. kamakalawa nang mangyari ang krimen sa kanilang bahay sa nabanggit na barangay.

Sinasabing gumagamit ng ipinagbabawal na gamot ang suspek na tumakas makaraan ang pagpatay sa kanyang ina at lola.