12 minero kulong sa illegal mining sa CamNorte

NAGA CITY – Swak sa kulungan ang 12 minero makaraang mahuli ng mga awtoridad sa illegal na pagmimina sa Brgy. Talobatib, Labo, Camarines Norte kamakalawa.

Nadakip ang mga suspek sa inilatag na operasyon ng pinagsanib na puwersa ng Labo-PNP, Regional Intelligence Division at 49th Infantry Batallion Philippine Army.

Nabatid na ilang concerned citizen ang nagbigay-alam sa pulisya kaugnay ng ginagawang ilegal na pagmimina sa kanilang barangay.

Ayon sa mga awtoridad, matagal na silang nakaririnig ng sumbong sa pagmimina sa nasabing lugar ngunit madalas nakatutunog ang mga minero kaya  hindi nila nadadakip.