Sex worker inutusan ng tomboy na makipag-sex sa taxi driver (Habang bini-video)

ILOILO CITY – Dinala sa police station ang isang tomboy makaraang ireklamo ng isang commercial sex worker dahil sa pagbabanta na siya ay papatayin.

Una rito, humingi ng saklolo ang sex worker na kinilala sa pangalang Ashley makaraan siyang dalhin ng tomboy sa motel.

Inakala ng sex worker na magtatalik sila ng tomboy ngunit pagdating sa motel, inutusan siya at ang driver ng taxi na kanilang sinakyan na magtalik para kunan niya ng video.

Nang tumanggi ang sex worker, binantaan siyang papatayin ng tomboy.

Humingi ng tulong ang sex worker sa kanyang mga kasamahan na humingi naman ng tulong sa mga pulis at nasagip ang babae.

Pinaniniwalaang lulong sa ilegal sa droga ang tomboy at napag-tripan na utusan ang dalawa na magtalik sa kanyang harapan habang kinukunan niya ng video.

Sinasabing pumayag sana ang taxi driver ngunit hindi sumang-ayon ang sex worker.