PNP-HPG nakatutok sa ‘Christmas rush’

MAKARAAN ang APEC leaders’ summit sa bansa, naghahanda na ang Highway Patrol Group (HPG) sa pagsisikip ng trapiko bunsod nang papalapit na Kapaskuhan.

Ayon kay PNP-HPG director, Chief Supt. Arnold Gunnacao, patuloy ang kanilang pakikipag-ugnayan sa Metro Manila Development Authority (MMDA) at Department of Public Works and Highways (DPWH) para sa mga isinasagawang roadworks sa Metro Manila.

Dahil sa inaasahang pagsisikip ng trapiko, pinapayuhan na ng HPG ang publiko na planuhin na ngayon ang mga lugar na pupuntahan para hindi masayang ang oras sa pag-iikot sa ‘Christmas rush.’

Asahan aniyang madaragdagan ng limang kalsada ang mabuhay lanes para maibsan ang matinding bagal ng daloy ng mga sasakyan ngayong Christmas season.