Ale, hinimatay nang makita si Alden

TRENDING ngayon ang video nina James Reid, Alden Richards, Liza Soberano and Kakai.

Sa unang video, nagpanggap si James bilang isang security guard sa isang mall at kaagad siyang nakilala ng isang girl, nag-deny noong una si James pero nag-insist ‘yung girl na ang actor nga ito at nag-dare pa na kung hindi siya si James, dapat guluhin niya ang kanyang buhok.

Ginulo ni James ang buhok pero kalaunan ay inamin din niya na siya nga si James.

Si Alden naman ay nag-disguise bilang bagger sa isang mall, halos mahimatay ang isang ale nang makilala siya. Paano kasi, nag-eye glass lang siya at naka-sombrero kaya halatang-halata na si Alden iyon.

Si Liza naman ay iba ang drama. Nagpanggap siya bilang drink sampler sa isang coffee shop. Lahat ay natulala nang makita ang batang aktres na nagbibigay ng libreng inumin.

Si Kakai naman ay nagpanggap na masahista at sa unang customer pa lang niya ay namukhaan na agad siya kaya lang hindi nito mabanggit-banggit ang pangalan ng aktres at tanging nakita niya raw ito sa Your Face Sounds Familiar.

Promo strategy ito ng isang card at sa mga nakakilala sa kanila na binigyan nila ng cash.

MAKATAS – Timmy Basil