Naperhuwisyo sa APEC handang harapin ng Palasyo

NAKAHANDA ang Malacañang na makipagdiyalogo sa stakeholders na nagrereklamong naapektohan at naperhuwisyo nang matinding trapik dahil sa pagdaraos ng katatapos na APEC Leaders’ Summit.

Kahit tapos na ang APEC summit ay patuloy pa rin ang reklamo ng mga naabalang mga empleyado sa pribadong sektor.

Sinabi ni Communications Sec. Sonny Coloma, kinikilala nila ang pagkakaiba ng pananaw ng gobyerno at ng ibang grupo o peronalidad sa nasabing usapin.

Ayon kay Coloma, kaya handa silang makipagdialogo sa stakeholders para maipaliwanag ang mga kailangang ipaliwanag at ikokonsidera ang magiging rekomendasyon para maging mas maayos ang mga susunod na paghahanda.

Sa 2017, magiging host ng ASEAN Summit ang Filipinas at kaparehas na paghahanda sa APEC ang gagawin.