Duterte tuloy sa 2016

TULOY na sa kanyang presidential bid si Davao City Mayor Rodrigo Duterte.

Sa kanyang mensahe sa isang birthday party, nabanggit niya na handa na siyang kumandidato bilang pangulo ng bansa.

“My candidacy for the presidency is now on the table,” wika ni Duterte.

Nabatid na umabot sa 30 minuto ang talumpati ng alkalde.

Ngunit sa pagkakataong ito ay hindi ang “tanim-bala” issue sa NAIA ang dahilan niya para sa kandidatura kundi ang desisyon ng Senate Electoral Tribunal (SET) na payagan si Sen. Grace Poe na humawak ng posisyon sa national office kahit  kinukwestiyon sa citizenship.

“She will be presumptive president whose citizenship is based on presumption. The highest position is reserved for a true-blue Filipino. I cannot accept an American president,” dagdag ni Duterte.

Gayonman, hindi pa maisusumite ni Duterte sa Comelec ang kanyang certificate of candidacy (CoC) dahil sa ilang isyung kailangan niyang resolbahin.