Brgy. Chairman, 2 pa sinibak ng Ombudsman

CAGAYAN DE ORO CITY – Iniutos ng Office of the Ombudsman kay City Mayor Oscar Moreno na ipatupad ang ‘dismissal order’ laban sa barangay kapitan at dalawa pang trabahante sa Brgy. Macasandig, Cagayan de Oro City.

Ito ay makaraang makitaan ng probable cause ni Ombudsman Conchita Carpio-Morales upang masibak mula sa kanilang trabaho si Macasandig Barangay Chairan Ernesto Edrote dahil sa graft charges.

Bukod kay Edrote, tanggal na rin sa kanilang trabaho sina Barangay Treasurer Maria Fe Campanilla at Barangay Executive Secretary Rey Ranes Balandara.

Si Moreno na una nang pinatawan ni Morales ng dismissal order ukol sa kasong administratibo, ay inutusang madaliin ang pagpapatupad ng kautusan laban sa respondents.

Nag-ugat ang dismissal order sa kasong isinampa ni dating Macasandig Barangay Kapitan Aaron Neri na nag-aakusang ginamit ng mga akusado ang pondo ng barangay sa construction materials na pagmamay-ari ni Balandara.