Botohan sa EDCA legality iniliban

INILIBAN ng Supreme Court (SC) ang botohan para sa Enhance Defense Cooperation Agreement (EDCA).

 Matatandaan, mainit na usapin ito dahil sinaabing walang basbas ng Senado ang pinasok na kasunduan sa Estados Unidos.

Naging paksa rin ito ng mga diskusyon makaraang masangkot ang isa sa mga sundalo ng Amerika na si US Marine Lance Cpl. Joseph Scott Pemberton sa pagpatay sa Filipino transgender na si Jeffrey Laude alyas Jennifer.

Walang inilabas na dahilan ang korte suprema sa hindi natuloy na botohan.

Bunsod nito, naniniwala ang ilang kritiko ng EDCA na kaya hindi itinuloy ang botohan dahil sa inaasahang pagdating ni US President Barack Obama kaugnay ng gaganaping APEC summit.

Itinakda ang bagong schedule ng botohan sa Disyembre 16, 2015.