10 buwan sanggol binugbog ng ina

LEGAZPI CITY – Nasa pangangalaga na ng Department of Social Welfare and Development (DSWD) Bicol ang isang 10 buwan gulang sanggol na binugbog ng inang may problema sa pag-iisip, makaraang masagip sa Castilla, Sorsogon.

Napag-alaman, matagal nang binubugbog ng ina ang sanggol na labis na ikinaalarma ng mga kapitbahay kaya nagsumbong sa mga awtoridad.

Kasama ang mga tauhan ng DSWD at PNP, nakuha ang bata sa inang pinaniniwalaang may diperensiya sa pag-iisip.

Kaugnay nito, pinag-iisipan ng mga awtoridad kung masasampahan ng kaso ang suspek dahil sa kanyang kalagayan.

Hindi pa rin matukoy kung kanino ibibigay ang pangangalaga sa bata.