Gabrielle, gustong makawala sa anino nina Gabby at KC

KASABAY ng pagpirma ni Garie Concepcion ng kontrata sa Warner Music  Philippines ang pagpalit ng kanyang screen name bilang Gabrielle C.

Ito’y may kinalaman na rin para magkaroon siya ng sariling tatak at hindi anak ni Gabby Concepcion kay Grace Ibuna  at kapatid ni KC Concepcion.

Aminado naman siya na mahirap makawala sa anino ng kanyang ama at kapatid. Gusto niya na balang araw ay makilala siya bilang si Gabrielle.

Pero ready palagi si Gabrielle na ikinukompara siya kay KC.

Minsan ay apektado siya  at nasasaktan sa mga basher sa social media pero sa ngayon ay batayan niya na ‘wag nang basahin para hindi masaktan.Pinagbubuti na lang niya ang craft niya at deadma na lang sa mga comment na mas maganda, mas talented, mas maganda ang boses at kung anik-anik na mas. Ang importante ay wala raw siyang ginagawang masama.

”I can’t please everyone, that’s just how it is. If people appreciate me and love me, I’ll love them back; if not, I’ll respect them either way,” deklara niya.

Ang manager ngayon ni Gabrielle ay si Joed Serrano.

TALBOG – Roldan Castro