Networks signal ‘di puputulin sa APEC Summit

HINDI pa ikinokonsidera ng pamunuan ng pambansang pulisya o wala sa kanilang plano na pansamantalang ipaputol muna ang networks signal sa ilang mga lugar kaugnay ng nakatakdang APEC Summit sa susunod na buwan.

Ayon kay PNP chief Police Director General Ricardo Marquez, pinag-aaralan pa nila ang nabanggit na hakbangin at kailangan din aniyang timbangin ang kaligtasan ng mga delegado at posibleng ‘inconvenience’ sa hanay ng mamamayan.

Pagbibigay-diin ni Marquez, nag-level up na sila ng kanilang ‘target hardening’ na inaasahang posibleng puntahan ng mga dayuhang turista na baka puntahan din ng mga delegado.

Sa ngayon, nagpapatuloy ang kanilang pakikipag- ugnayan sa kanilang foreign counterparts hinggil sa ipatutupad na seguridad.

Sa kabilang dako, aminado si Marquez na ilan sa security template na ipinatupad noong Papal visit ay siya ring gagamitin ng PNP sa nalalapit na international event sa susunod na buwan.