4.9 magnitude quake yumanig sa SOCCSKSARGEN

GENERAL SANTOS CITY – Niyanig ng magnitude 4.9 lindol ang bahagi ng Don Marcelino, Davao Occidental kahapon ng umaga

Sa impormasyon mula sa Philippines Institute of Volcanology and Seismology (Phivolcs), naitala ang pagyanig dakong 10:32 a.m. at may lalim na 64 kilometro.

Habang ang sentro ay natukoy sa walong kilometro sa kanlurang bahagi ng nabanggit na lugar.

Samantala, naramdaman din ang naturang pagyanig sa lungsod ng Heneral Santos, Sarangani at iba pang kalapit na lugar.

Ayon sa Phivolcs, ‘tectonic in origin’ ang nasabing lindol.

Gayonman, walang naitalang sugatan o kaya napinsalang ari-arian bunsod nang pagyanig.