Force evacuation sa komunidad na nilamon ng sinkhole sa Benguet

BAGUIO CITY – Nadagdagan pa ang mga pa-milyang nagsilikas sa Kamanggaan, Virac, Itogon, Benguet, dahil sa banta nang paglubog ng lupa na sanhi ng sinkhole sa naturang lugar.

Ito’y nang lumawak pa ang sakop ng nasa-bing sinkhole na lumamon sa ika-anim na bahay roon habang pinangangambahang mahuhulog ang iba pang kabahayan.

Ayon kay Virac Punong Brgy. Noel Bilibli, pinag-iisipan na nila ang pagpapatupad ng forced evacuation sa iba pang mga residente roon bago pa tuluyang lumala ang sitwasyon.

Dagdag ng punong barangay, ililihis ang tubig na dumadaloy sa tunnel 1 patungo sa tunnel 2 upang mapasok ng investigating team ang natu-rang sinkhole at malaman ang dahilan ng pagkakaroon nito.

Sa ngayon, aabot na sa 60 pamilya o 221 indibidwal ang lumikas sa evacuation centers, bukod sa 60 pamilya na nakikitira ngayon sa kanilang mga kamag-anak.