HATAW! D'yaryo ng Bayan hatawtabloid.com
THUMBS UP ang mga opisyales at organizers sa inilunsad na 2015 MILO Little Olympics National Finals sa Shakey’s Malate, na gaganapin sa Oct. 23-25 sa Sta. Cruz, Laguna. Mula sa kaliwa Milo Regional Organizer for Visayas Ricky Ballesteros, Regional Organizer for South Luzon and National Finals Dr. Robert Calo, Laguna Governor Ramil Hernandez, Milo Sports Executive Robbie De Vera, Regional Organizer for North and Central Luzon Tess Bernardino, Milo Regional Organizer for Mindanao Megdonio Llamera at Laguna Governor Office Executive Assistant Von Cruz. (HENRY T. VARGAS)
SISIMULAN ngayong Biyernes, Oktubre 23, sa Laguna Sports Complex ang 2015 Milo Little Olympics sa pangangasiwa ng pamunuan ng Milo organizinng committee at lokal na pamahalaan ng Laguna sa pangunguna ni Gov. Ramil Hernandez.
Ayon sa gobernador, pinaghandaan nilang mabuti ang 3-day event na lalahukan ng hindi kukulangin sa 1,400 atleta mula sa 800 eskuwela-han sa buong kapuluan.
Matapos magkuwalipika sa regional finals sa Baguio para sa North/Central Luzon, Laguna para sa NCR/South Luzon, Iloilo para sa Visayas at Caga-yan de Oro para sa Mindanao, ang mga atleta ay lalahok sa 13 event.
“Karangalan naming maging host ng Milo Little Olympics dahil bukod sa makatutulong kaming palawigin ang sports sa bansa sa grassroots le-vel, matutulungan din ang aming lalawigan para ma-promote ang aming tu-rismo at mapaganda ang aming ekonomiya,” ani Hernandez.
Defending champion ang NCR South Luzon ngunit inaasahang mahaharap sa mabigat na paghamon mula sa North/Central Luzon dahil sa malalakas na atleta mula sa Cordillera, Ilocos at Pa-ngasinan na lalahok sa taekwando at swimming.
Gayon din ang ipamamalas na oposisyon umano ng mga taga-Visayas at Mindanao na parehong nagpamalas na magagaling na atleta sa larangan ng athletics.
Isasagawa ang karamihan ng sports event sa Laguna Sports Complex sa Barangay Bubukal sa bayan ng Sta. Cruz habang ang mga indoor sports naman tulad ng table tennis, scrabble at chess ay gagawin sa ClA Town Center Mall sa Pagsanjan.
ni Tracy Cabrera
