Palasyo ‘di natinag sa SC order sa Arroyo case

TINIYAK ng Malacañang na hindi maaapektohan ang paghahanap ng katarungan sa mga katiwaliang nangyari noong nakaraang administrasyon sa kabila nang inilabas na status quo ante order ng Supreme Court (SC) na pumipigil sa pagdinig sa plunder case ni dating Pangulo at ngayon ay Pampanga Rep. Gloria Macapagal-Arroyo ng 30 araw.

Sinabi ni Communications Sec. Sonny Coloma, hindi natitinag ang paghahangad ng gobyerno na panagutin ang mga nagkasala sa taongbayan.

Ayon kay Coloma, ang tungkulin ng pamahalaan ay magpatupad ng batas at ito ay patuloy na ginagampanan dahil ito ay mandato na dapat sundin.

Ngunit wala pang dagdag na pahayag si Coloma dahil sa ngayon ay hindi pa nila nababasa ang kautusan ng Korte Suprema.