Bagyong Lando pumasok na sa PH Sea

PUMASOK na sa Philippine area of responsibility (PAR) dakong 2 p.m. kahapon ang bagyong may international name na “Koppu” na pinangalanan ng lokal bilang bagyong Lando.

Natukoy ang sentro ng bagyo sa layong 1,440 sa silangan ng Luzon.

Taglay nito ang lakas ng hangin naaabot sa 65 kilometro bawat oras at may pagbugsong hanging aabot sa 80 bawat oras.

Sa pagtaya ng Pagasa, kung hindi mag-landfall ay lalapit ang mata ng bagyo sa Northern Luzon sa araw ng Linggo.

Ngayon pa lamang ay pinaghahanda na ng Pagasa ang mga residente sa Luzon dahil unti-unti nang magpaparamdam ang bagyo simula Biyernes.

“Lando is expected to be at 990 km East of Luzon by tomorrow morning. By Friday morning, it is expected to be at 560 km East Northeast of Baler, Aurora and at 310 km Northeast of Baler, Aurora by Saturday morning. By Sunday morning, it is expected to be at 40 km North of Aparri, Cagayan and at 180 km Northwest of Calayan Island, Cagayan by Monday morning.”