Sen. Miriam nagdeklarang tatakbo

NAGDEKLARANG tatakbo bilang pangulo sa 2016 elections si Sen. Miriam Defensor-Santiago.

Ito ay kasabay ng book signing ng senadora para sa kanyang bagong libro.

Sinabi ni Santiago, maghahain siya ng certificate of candidacy (CoC) sa darating na mga araw.

Ayon kay Santiago, mayroon na siyang runningmate bagama’t tumangging pangalanan ito.

Ngunit nakadeklara na aniya ng kandidatura ang kanyang runningmate.

Maalala, noong 1992 ay kumandidato na ring pangulo ng Filipinas si Santiago.

Nangunguna siya sa botohan ngunit makaraan ang sunod-sunod na power blackout sa gitna ng canvassing ng mga boto, idineklarang panalo noon si Fidel V. Ramos.

Inakusahan ni Santiago si Ramos na siya ay dinaya sa nasabing halalan.