3 bata nalunod sa ilog sa Iloilo

ILOILO CITY – Nalunod ang dalawang Grade 6 at isang Grade 2 pupils nang maligo sa ilog sa Navais, Mandurriao, Iloilo City kamakalawa.

Ayon kay Brgy. Kagawad Jimmy Capilihan, nagkayayaan ang mga biktimang sina Dion Salmillo at Ramy Monsale, parehong 12-anyos at Grade 6 pupil sa Mandurriao Elementary School, na maligo sa ilog kasama ang apat na iba pang kaklase makaraang kumain.

Ngunit hindi na nakaahon sa ilog ang dalawa kaya’t humingi ng tulong ang mga kaklase nila sa mga awtoridad ngunit patay na ang mga biktima nang matagpuan.

Bukod sa dalawa, nakita rin ang bangkay ng isang 7-anyos na Grade 2 pupil na palutang-lutang sa nabanggit na ilog.