Ikukulong nila ako bago ang halalan – Binay

IBINUNYAG ni Vice President Jejomar Binay, nakatanggap siya ng text messages mula sa hindi kilalang sender na siya raw ay ipapaaresto bago ang halalan sa taon 2016.

Ginawa ni Binay ang pahayag ilang araw makaraang ilabas ng Office of the Ombudsman ang kapasyahan na tuluyang pagtanggal sa kanyang anak na si Junjun Binay bilang alkalde ng lungsod ng Makati.

Bagama’t ayon kay Binay handa siya kung ano man ang mangyari.

Naniniwala ang bise presidente na kung totoo ang text messages na kanyang natanggap ay isasampa na ang kanyang kaso sa Sandiganbayan at maglabas ng warrant of arrest bago siya mahain ng certificate of candidacy para sumabak sa presidential elections sa 2016.

Kung hindi aniya siya ipapaaresto nitong buwan ng Oktubre ay maaaring gawin ito sa Enero o Marso.

Bagama’t ayon kay Binay, ano mang kaso na isasampa laban sa kaya ay idudulog niya sa Korte Suprema sa paniniwalang bilang bise presidente ay “immune” siya sa kaso.

Naniniwala ang bise presidente na bahagi lamang ng “demolition by perception” ang panggigipit sa kanya kaugnay ng kanyang balak na pagtakbo bilang pangulo ng bansa sa susunod na taon.