4 Chinese nat’ls nasa Bilibid na (Hinatulan ng life sa illegal na armas)

NILIPAT na sa New Bilibid Prison (NBP) sa Muntinlupa City ang apat Chinese nationals na nahatulan ng habambuhay na pagkabilanggo makaraang mapatunayang guilty sa kasong illegal possession of firearms and explosives.

Kinompirma ni OIC provincial jail warden Dario Estavillo, naging prayoridad ng Ilocos Norte Provincial Jail ang paglipat sa naturang mga presong dayuhan sa NBP dahil maituturing silang security threat sa nasabing kulungan dahil sa pagiging high profile.

Ani Estavillo, ang apat dayuhan ay ini-escort ng ilang guwardiya ng INPJ at ilang pulis sa paglipat sa kanila.

Kung maaalala, sina Da Leng Haiyun, Dang Huiyin, Liu Wen Xion at Lei Guang Feng ay nakompiskahan ng matataas na kalibre ng baril at eksplosibo sa isang checkpoint sa Pasuquin, Ilocos Norte noong Mayo 28, 2013.