12 health workers negatibo sa MERS

INIHAYAG ng Department of Health (DOH) na negatibo sa Middle East Respiratory Syndrome Coronavirus (MERS-CoV) ang 12 health workers.

Ginawa ang pagsusuri sa health workers na nakasalamuha ng Saudia national na namatay dahil sa MERS-CoV dito sa bansa.

Ayon kay DoH spokesperson Dr. Lyndon Lee Suy, isinailalim sa pagsusuri ang health workers dahil sa ipinakitang sintomas ngunit sa ngayon ay mabuti na ang pakiramdam habang patuloy pa rin na mino-monitor sa Research Institute for Tropical Medicine (RITM) at San Lazaro Hospital sa loob ng 14 araw.

Bukod sa naturang health workers, nagsimula na rin ang Task Force MERS-CoV na tuntunin ang iba pang nakasalamuha ng Saudia national, kabilang na ang 55 hospital staff, 15 hotel staff at tatlong funeral parlor workers.