Pulis na sangkot sa illegal drug trade tututukan ng PNP

TINIYAK ni Philippine National Police (PNP) chief, Director General Ricardo Marquez na masisibak sa serbisyo ang mga pulis na protektor at sangkot sa illegal drug trade.

Ito’y makaraang mabatid ng heneral ang pagkakasangkot ng ilang pulis sa ilegal na mga aktibidad gaya ng pagbebenta ng droga habang ang ilan dito ay naaresto sa isinasagawang buy-bust operation.

Dahil dito, mahigpit na pinatututukan ni Marquez sa PNP AIDSOTF ang mga pulis na sangkot sa illegal drug operation.

Sinabi ni Marquez, walang puwang sa police organization ang mga pulis na nagbibigay ng negatibong imahe sa organisasyon

Iniutos ni Marquez sa PNP-AIDSOTF na tukuyin, arestuhin at kasuhan ang mga pulis na sangkot sa drug operation lalo na ‘yung mga nagsisilbing protektor.