Davao Sur Mayor nabagok, tigok

DAVAO CITY – Binawian ng buhay ni Kiblawan Mayor Jaime Caminero, ng lalawigan ng Davao Sur, makaraang mahulog sa bodega at mabagok ang ulo kamakalawa.

Sa imbestigasyon ng pulisya, nasa kanyang bodega sa Brgy. Lat-an, Kiblawan City ang opisyal habang ‘hands-on’ sa pag-aasikaso sa mga nakasakong kopra kasama ang kanyang mga tauhan, nang aksidenteng mahulog at nabagok ang ulo sa semento.

Agad nawalan ng malay ang opisyal kaya dinala ng kanyang pamilya sa ospital ng Digos ngunit inilipat sa isang bahay-pagamutan sa Lungsod sa Davao dahil sa maselang kalagayan.

Nalagutan ng buhay si Mayor Casimero dahil sa internal hemorrhage bunsod ng crack sa ulo at nagkaroon ng blood clot sa utak.