No VIP treatment sa Reyes bros (Tiniyak ni De Lima)

TINIYAK ni Justice Seretary Leila de Lima sa pamilya Ortega na walang special treatment na ibibigay kay dating Palawan Governor Joel Reyes at kapatid na si dating Coron Mayor Mario Reyes.

Sinabi ni de Lima, darating sa bansa ang Reyes brothers na nakaposas.

Ang magkapatid na Reyes ay suspek sa pagpaslang sa environmentalist at broadcaster na si Dr. Gerry Ortega.

Hiniling ng pamilya Ortega sa Department of Justice na kung maaari, walang special treatment sa Reyes brothers.

Ayon sa biyuda ni Dr. Ortega na si Ginang Patty Ortega, nais nilang makita na nakaposas ang Reyes brothers pagdating sa bansa at ikulong sa Palawan.

Iniutos din ni de Lima ang mabilis na paglilitis sa kaso ng pagpatay kay Ortega.