Walang garahe ‘di bebentahan ng sasakyan (Pinaboran ng Palasyo)

PABOR ang Palasyo sa panukalang hindi dapat pagbentahan ng sasakyan ang mamamayan na walang garahe.

“Ang panukala ay naglalayong pigilin ang pagdami ng sasakyang ipinaparada sa kalsada dahil walang garahe. Sa ganitong paraan, mababawasan ang pagsikip ng kalsada upang bumilis ang daloy ng trapik. Karapat dapat na bigyan ito nang seryosong pag-aaral,” ayon kay Communications Secretary Herminio Coloma Jr.

Magugunitang mismong si Philippine National Police Highway Patrol Group Director, Chief Supt Arnold Gunacao ang nagpanukala na hindi na dapat pagbigyan na makabili ng sasakyan ang mamamayan na walang paradahan.