7 rape-slay suspects parurusahan na (Sa batas ng Islam)

KORONADAL CITY – Nakatakda nang parusahan ang pito sa walong naarestong mga suspek na gumahasa at brutal na pumatay sa 18-anyos high school working student sa Buluan, Maguindanao.

Ito ang ipinaabot na impormasyon ni Mariano, pinsan ng biktimang si Bainor Solaiman.

Ayon kay Mariano, wala pa siyang alam kung kailan ang isasagawang pagpaparusa sa mga suspek makaraang mahuli ang pito sa kanila.

Nabatid na batay sa tradisyon ng Islam, kung ano ang ginawa ng mga suspek sa biktima, ay ganoon din ang parusang ipapataw sa kanila.

Sinabi pa ni Mariano, mga manggagawa sa isang plantasyon ng saging malapit lamang sa paaralan ng biktima ang pitong suspek na nagsamantala kay Bainor na chinop-chop ang katawan at sinunog ang bahay kung saan siya pinatay.

Katunayan aniya, hanggang ngayon ay hindi pa makita ang ilang bahagi ng katawan ng biktima.

Napag-alamang anak ng MILF commander ang biktima.

Si Bainor ay nasa second year college na at fourth year high school naman sa Arabic class sa Mahad School sa Buluan, Maguindanao.