Ballot printing sa Abril tatapusin ng Comelec

TINIYAK ng Commission on Election (Comelec) na matatapos sa Abril ang pag-iimprenta ng mga balota na gagamitin para sa May 2016 presidential elections.

Ayon kay Comelec Commissioner Christian Robert Lim, matatapos ang printing ng ballots sa April 25 at agad nila itong ipadadala sa iba’t ibang lugar sa bansa.

Pahayag na Lim, kanilang uunahin ang remote areas sa bansa sa pag-deliver ng mga balota habang ang mga balota para sa Metro Manila voting centers ay siyang pinakahuling ide-deliver.

Inihayag din ni Lim, nais nilang matapos nang maaga ang pag- imprenta ng mga balota para sakaling magkaroon ng pagkakamali ay mai-correct agad ito.

Sa Nobyembre 16 matutukoy ng Comelec kung ilang balota ang i-imprenta.  

Sa kabilang dako, ayon kay Comelec Chairman Andres Bautista, ang government-run National Printing Office (NPO) ang mag-iimprenta ng mga ballots.