Totoy, senior citizen, trike driver utas sa ambush sa Antipolo

PATAY ang tatlo katao, kabilang ang isang 12-anyos totoy, 82-anyos senior citizen at  makaraan pagbabarilin ng tatlong armadong kalalakihan habang sakay ng tricycle at Innova ang mga biktima sa Antipolo City kamakalawa.

Sa ulat na tinanggap ni Chief Supt. Richard Albano, Calabarzon-4A Regional Director, kinilala ang mga biktimang sina Aziz Camama, 24, tricycle driver, Muslim, ng Sitio Kamias, Brgy. Sta. Cruz; Saipoden Datu, 12, Muslim, nakatira sa Phase-4, Brgy. Dela Paz, at Eduardo Ortiz, 82, residente ng 5 Forest Residential State, Brgy. Inarawan sa lungsod ng Antipolo.

Tumakas ang mga suspek lulan ng tricycle ni Camama, patungo sa hindi nabatid na direksiyon.

Sa inisyal ni SPO1 Herbert Gilligan, dakong 6:50 p.m. nang mangyari ang insidente sa Forest Hills Subd., Brgy. Bagong Nayon sa lungsod.

Ssakay ng tricycle ang biktimang si Datu na minamaneho ni Camama ngunit  sumulpot ang tatlong suspek at sila ay pinagbabaril.