Dengue cases posibleng mas tumaas – DoH (Sa peak ng El Niño phenomenon)

NAGBABANTA rin sa bansa ang mas malaking bilang ng dengue cases, kasabay nang lumulubhang El Niño phenomenon sa malaking bahagi ng Filipinas.

Ipinaliwanag ni Department of Health (DoH) spokesman Dr. Lyndon Lee Suy, inaasahan nila ang paglobo pa sa bilang ng mga tatamaan ng dengue lalo na kung hindi mag-iingat ang publiko sa pag-iimbak ng tubig.

Mula noong Enero hanggang Agosto ay nakapagtala ang DoH ng 55,099 dengue cases sa iba’t ibang parte ng ating bansa.

Mas mataas ito sa nai-record noong 2014 para sa kaparehong buwan.

Kaya naman, payo ni Lee Suy sa mga mag-iimbak ng tubig, tiyaking may takip ang container at panatilihing malinis ang paligid.