Trillanes Most Productive Senator

NANATILING si Senador Antonio “Sonny” F. Trillanes IV ang nangungunang mambabatas sa Senado, base sa dami ng mga panukalang ini-sponsor at naisabatas na.

Noong nakaraan at kasalukuyang Kongreso, siya ang may pinakamaraming pambansang panukala na naisabatas. Noong 15th Kongreso (2010-2013), siya ay nakapagbigay-daan sa pagpapasa ng 17 batas; habang ngayong 16th Kongreso (2013-kasalukuyan), siya ang pangunahing may-akda ng apat (4) na batas, dagdag pa rito ang 10 panukalang naipasa na sa ikatlong pagbasa (3rd Reading).

Ilan sa mahahalagang batas na akda ni Trillanes ang AFP Modernization Law; Pagtaas ng Subsistence Allowance ng mga Uniformed Personnel; Salary Standardization Law 3; Pagtaas ng Burial Assistance ng mga Veterans; Archipelagic Baselines Law; Universal Healthcare Law; Agarang pagbibigay ng benepisyo ng mga retiradong kawani ng gobyerno; PAG-IBIG Fund Law; Magna Carta para sa mga PWD; mas pinalawak na Senior Citizens Act; at Anti-Bullying Act.

Bukod dito, aktibo rin si Trillanes sa mga imbestigasyon na may kinalaman sa mga korupsiyon at iba pang anomalya sa gobyerno.

Simula ng kanyang panunungkulan, si Trillanes ay may kabuuang 1,077 panukalang batas na naihain, 52 rito ay mga batas na.