Bagong strain ng sore eyes virus itinanggi

PINAWI ng Department of Health (DoH) ang pangamba ng publiko sa biglaang paglobo ng naitalang infected ng sore eyes sa ating bansa.

Ayon kay DoH spokesman Dr. Lyndon Lee Suy, maging sila ay aminadong kakaiba ang ‘timing’ ng naturang viral infection dahil noon ay kumakalat ito tuwing summer.

Nabatid na maraming lugar din ngayon ang nakapagtala ng naturang virus, lalo na sa matataong lugar.

Ngunit nilinaw ni Lee Suy na walang bagong strain ng virus na sanhi ng sore eyes.

Ang magagawa aniya para maiwasan ang virus ay huwag kusutin ang mata, laging maghugas ng kamay at palakasin ang immune system.

Sa monitoring ng DoH, madaling nagkakaroon ng sore eyes ang mga bata at ang mga taong laging laman ng mga lansangan.