Ex-Cong namalengke ng award

THE who ang isang dating congressman na namalengke ng award at nagbabalak umanong tumakbo sa mas mataas na posisyon sa 2016?!

Itago na lang natin sa pangalang ‘Si Buko’ ang magaling na former congressman dahil kung gaano kakapal ang balat ng buko, ganoon din daw kakapal ang kanyang balat pagdating sa paggawa ng kabulastugan.

Ayon sa matabil na dila ng aking Hunyango, mayroon isang non-government organization (NGO) na pinamumunuan ng isang ‘pangahas’ na tao ang nag-offer ng award for sale kay ‘Si Buko’ sa halagang P20,000.

At dahil BUWAKAW (Buwayang Matakaw) sa popularidad para magamit daw niya sa kanyang pagtakbong muli, sinakmal agad ni ‘Si Buko’ ang alok ng mapangahas na presidente ng naturang NGO.

Para desimulado at malinis ang kabulastugan ni ‘Si Buko’ idinaan sa banko ang pay-off base na rin sa instruction ni ‘Pangahas’ na napag-alaman nating manggagamit at panggagantso talaga ang lakad para kumita.

Wait, bago naikasa ang deal, isang sulsol-tant ni ‘Si Buko’ ang pumigil sa kanya at nagpayo na mas makakamura siya kung magpapagawa na lang sa University of Recto ng award na nais nito.

Hahahahahahahahaha! May katok-wiran naman si sulsol-tant. Mas makamumura nga naman kaysa magbigay ng 20k.

Pero hindi ito pinatulan ni ‘Si Buko’ kasi mas maganda raw ‘yung tunay na awarding kahit binayaran lang dahil may photo ops pa kaysa pekeng award.

Hehehehehe…

Talagang ‘di rin makapal ang balat ni sir!

Kaya naman nakamit ni ‘Si Buko’ ang minimithing achievement award na ‘di man lang nakonsensiya at pangiti-ngiti pa na gaya ni “Yaya Dub” habang tinatanggap ito.

Kilala n’yo ba kung sino si ‘Si Buko’ na may mga kaso rin daw sa Ombudsman?

Who-laan n’yo nga kung sino siya.

Kaboom!