HATAW! D'yaryo ng Bayan hatawtabloid.com
NAGULAT na lang kami nang biglang umepal si Senadora Cynthia Villar na kulang umano sa dessimination o pagpapakalat ng impormasyon ang pamunuan ng Philhealth.
Excuse me po!
Hindi sa nag-aabogado kami sa Philhealth pero tila ba misinformed din si Senadora.
Aba’y katakot-takot na impormasyon na ang kumalat sa buong bansa tungkol sa mga benepisyo ng mga miyembro at benificiaries nitong Philhealth pati mga coverage na sakit at kung magkano ang katumbas na halaga sa mga sakit na babayaran ng Philhealth na makaaalwan sa mga miyembro.
FYI Tita Cynthia, kamakailan lang ay ibinulgar pa ng Philhealth ang mga raket ng ospital kasabwat ang ilang tiwaling doktor tungkol sa sakit sa mata na Cataract at ngayon nga ay pneumonia.
Ay sus naman Tita Cynthia…
Obligasyon din ng mga miyembro na alamin kung ano-anong sakit ang cover ng Philhealth at kung magkano ang katumbas na halaga ang sasaguting kabayaran nito.
Aba’y kung spoon feed lahat Madame Villar ‘e mauubos ang oras ng mga tao ng Philhealth.
Katunayan may call center pa ang naturang opisina at pwede silang mag-inquire tungkol sa ano mang problemang kahaharapin ng mga miyembro nito.
Pwede rin sila sa Facebook mag-inquire, mag e-mail sa kanila, sa mga ospital na accredited ng Philhealth.
Ano pa po na ang kulang Tita Cynthia?
Ah baka naman mag-eeleksyon na kasi at baka mawala sa isipan ng mga botante na may Villar sa Senado kaya kailangan umepal para laging mapansin?
Madame Senator, atupagin na lang po kaya ninyo ang mabilisang pagpasa sa FOI at Anti Dynasty Law, Anti Mining Law.
Mas mayayanig ang bansa kung ito ang bubulabugin ninyo!
