HATAW! D'yaryo ng Bayan hatawtabloid.com
MASAYA ang baguhang teenstar na si Matt Dimen, 17, 5’10″, dahil nabigyan siya ng pagkakataong maipakita ang galing sa pag-arte sa pamamagitan ng Makata na pinamahalaan ni Dave Cecilio.
Ang Makata ang unang exposure ni Matt kaya naman ganoon na lamang ang kanyang kasiyahan lalo pa’t makakasama niya agad ang mga kilala at magagaling na artistang tulad nina Sam Concepcion, Angelo Ilagan , Dianne Medina ,Claire Ruiz, Lance Raymundo, Rex Cortez, at Rosanna Roces. Ang Makata ay ipinrodyus ni Nelson Acuna.
Bagamat baguhan pa lamang s showbiz si Matt, makikitaan na siya ng potensiyal na puwedeng ihanay kina Daniel Padilla , Enrique Gil at iba pa.
Ayon kay Matt, si Kathryn Bernardo ang ultimate crush niya kaya kung mabibigyan siya ng chance ay gusto niyang makatrabaho ang dalaga.
Well, mukhang bagay naman sila ni Matt. Ano kaya ang sey ni Daniel?
Samantala, nag-aaral pa si Matt sa De La Salle-College of Saint Benilde at kumukuha ng kursong BSBA (Human Resource Management). Sa ngayon ay focus muna si Matt sa showbiz kasi bata pa lang daw siya ay pangarap na niyang mag-artista.
