Banat kay CGMA idinepensa ni PNoy (Sa huling SoNA)

IDINEPENSA ni Pangulong Benigno “Noynoy” Aquino III ang kanyang huling State of the Nation Address (SONA), partikular na ang pagkompara sa mga nakamit ng kanyang administrasyon at ni dating Pangulong Gloria Macapagal-Arroyo.

Bago opisyal na i-endorse si Interior Secretary Mar Roxas, ipinaliwanag muna ni Aquino na: “Ang sa akin lang po sinusukat natin ang nalakbay ng bansa mula Point A hanggang Point B. Hindi ba natural lang ilatag natin ang buong katotohanan ng Point A kung na ating pinagmulan.”

Mababalikan sa mahigit dalawang oras na SONA ang tahasang paninisi ni Aquino sa sinundang administrasyon.

Binatikos ng ilang netizen pati na ni dating First Gentleman Mike Arroyo ang naturang mga pahayag ni Aquino.

Nanindigan ang Pangulo na kailangan ito para magunita ang mga suliraning kinaharap ng kanyang administrasyon.