Bus nahulog sa bangin 1 kritikal, 25 sugatan (Driver inaantok)

NAGA CITY – Sugatan ang 25 katao habang kritikal ang driver makaraan mahulog sa bangin ang isang pampasaherong bus sa Brgy. Abuyon, San Narciso, Quezon, kamakalawa.

Ayon kay SPO1 Isagani Delos Santos, dakong 3:30 a.m. nang mahulog sa bangin ang Balgro transport bus sa nasabing lugar.

Ayon sa inisyal na imbestigasyon ng mga awtoridad, posibleng dahil inaantok kaya’t nawalan ng kontrol ang driver sa pagmamaneho at nangyari ang insidente.

Sinasabing tatlong beses bumaligtad ang bus nang mahulog ito.

Bunsod nito, kritikal sa ospital ang hindi pa nakikilalang driver habang sugatan ang kondoktor at mga pasahero.

Patungo sa bayan ng San Andres ang nabanggit na bus mula sa bahagi ng Maynila.

Patuloy ang imbestigasyon ng mga awtoridad sa insidente.